Фудбалерот на Париз Сен Жермен, Златан Ибрахимовиќ, после победата над Бенфика, дознал за тажната судбина на 8-годишното момче Хајрудин...



Последната желба на тешко болното момче е да го види напаѓачот Ибра, но според последните информации од Париз, за жал тоа нема да се случи.

„Само што бев со Златан, кој рече дека, за жал, нема да биде во можност да дојде. Златан му даде на малиот дрес со потпис, но нема да може да дојде кај Хајрудин, невозможно е. Мора да посети и други деца. Ќе му биде тешко“, рекол менаџерот Владимир Кнежевиќ за Sport.ba, кој рекол дека постои шанса Ибрахимовиќ да го прими Хајрудин во Франција.



Шведскиот напаѓач Ибрахимовиќ, изјавил:

„Многу тажна приказна. Би сакал сите да се среќни, затоа што тогаш и јас сум среќен. Ќе видиме што можеме да направиме за малиот“, одговорил Златан со големо жалење.

Инаку, хуманитарниот работник Теа Ракиќ започна акција за да му ја исполни последната желба на малиот Хајрудин, болен од леукемија, за последен пат да го види Ибрахимовиќ.