Тешко болното 8-годишно детенце од Босна, најверојатно ќе ја изгуби битката за животот...



Малото момче Хајрудин веќе шест години се лекува од леукемија и ќе живее уште еден месец, предвиделе докторите. Последната желба на детето е да го види фудбалерот од Париз Сен Жермен, Златан Ибрахимовиќ.

„Последната желба му е да го види Златан Ибрахимовиќ и со таа последна желба ме задолжи Хајрудин да му ја исполнам, кој нема уште многу време. Неговата мајка Амела ме замоли со солзи на очите, да преземам сè што е потребно и да се обидам да му ја исполнам последната желба на нејзиниот син Хајрудин“, напишала хуманитарката Теа Ракиќ на својот фејсбук профил.

„Ве молам, ако некој има контакт со Златан Ибрахимовиќ или контакт од неговиот менаџер, да ни помогне“, напишала Ракиќ.

Ние веруваме дека овој апел на некој начин ќе дојде до Златан Ибрахимовиќ.