Младите мажи кои гледаат телевизија само три часа на ден, имаат два пати помалку сперма од оние кои ретко седат пред малиот екран, открија американските научници...

За прв пат истражување покажува дека намалувањето на квалитетот на спермата е поврзано со ниското ниво на физичка активност. Мажите кои водат претежно седечки начин на живот, отстапуваат од умерено активните мажи, покажува истражувањето на научниците од Универзитетот Харвард.

Експертите сметаат дека последиците најверојатно се должат на недостатокот на физичка активност или на преголемото загревање на тестисите заради долго седење. Мажите кои сакаат да имаат деца, треба да избегнуваат носење на тесна долна облека, за да го подобрат квалитетот на спермата, а возачите и велосипедисти се исто така изложени на ризик.

Истражувањето на здрави млади луѓе кои гледале телевизија над 20 часа неделно, утврди дека тие имаат со 44% помалку сперматозоиди од мажите кои речиси не гледале телевизија. Претставниците на посилниот пол кои спортуваат 15 и повеќе часа неделно со умерен ритам, имале за 73% повисока содржина на сперма од оние кои тренирале под пет часа неделно. Умерениот тренингот не влијае на квалитетот на спермата.

"Знаеме многу малку за тоа како начинот на живот се одразува на квалитетот на спермата и плодноста на мажите во целина, така што воспоставувањето на два потенцијали фактори подложни на промена кои изгледа имаат големи последици за количеството сперма, е навистина возбудливо", изјави шефот на студијата д-р Одри Гаскинс.