Ако имате зголемен холестерол во исхраната треба да внесете млеко од соја и ореви. Овие намирници го „спуштаат“ холестеролот поефикасно отколку исхраната сиромашна со масти...

Исхраната богата со намирници кои делуваат против високиот холестерол во крвта е поделотворна против тој проблем отколку стандардниот режим за губење на килограми со вклучено намалено внесување на намирници богати со заситени масти, покажаа резултатите на едно канадско истражување.

Научниците, по шестмесечно испитување на 345 личности со зголемен холестерол во крвта, заклучиле дека за нив најделотворна исхрана е онаа во која доминираат сојното млеко, оревите и намирниците богати со протеини, објавено е во Journal of American Medical Association.

Меѓутоа, истражувачите истакнаа дека начинот на исхрана сиромашен со масти и понатаму треба да се прифати како позитивен за здравјето.