Сигурносните камери поставени над продавница во местото Лејк Вејлс во Флорида, снимиле веројатно еден од најглупавите бегови од грабеж во последно време...

На снимката се гледа разбојник, кој трча кон автомобилот, за да се сплетка во сопствените панталони, кои, веројатно поради тренд, се број или два поголеми, па му се лизнуваат од колковите за да го превртат наглавечки.

Иако силно удрил во земјата и го испуштил целиот „плен“ наоколу, несудениот разбојник веднаш скока на нозе и ги подига панталоните, влегувајќи во автомобилот во кој се наоѓа неговиот „колега“. Работник во дуќанот, кој тогаш се појавува на снимката, смирено оди кон автомобилот, веројатно не верувајќи во тоа што предмалку го виде.

Но, не е тоа се, затоа што бегот со автомобилот малку се одложува.Имено, возачот одлучил да почека да се расчисти сообраќајот за да излезе од паркингот. Гледајќи дека останале без плен и покрај тоа се понижија, работниците во дуќанот одлучиле дека парот не е вреден за трудот и гонење, па целата работа и ја препуштиле на локалната полиција. Снимката од сигурносните камери би требала да помогне во потрагата.