По изненадувачки мирното последно видео на скандалозната Лејди Гага, контроверзната дама се враќа во играта...

Лејди Гага има неколку улоги во новото видео за рок-баладата Yoü and I (Ти и јас). Имено, таа се појавува како сирена, ожалостена вдовица, па, дури и маж.

Видеото требаше официјално да биде прикажано на 18 август, во 7:30 часот по Источно Стандардно Време, а Лејди Гага рече дека тоа ќе биде нејзиниот 1000 пост на Twitter.

Меѓутоа, очигледно е дека Гага не можела да чека, па пред само два часа на Тwitter постираше три постови: F*CK, THURS и DAY, а пред само неколку минути како нејзин 1000 пост на Twitter го постираше линкот до нејзиното ново видео.

Видеото се наоѓа на нејзиниот приватен YouTube канал, а не на VEVO каде што вообичаено можат да се најдат сите нејзини видеа и зад сцените.

Спотот, за разлика од The Edge of Glory (Работ на славата), се враќа во стариот стил на Гага, со жешка секс сцена, чудовишни костими и контроверзни бакнежи меѓу мажот Гага и жената Гага.

Yoü and I е снимен во Небраска, а песната е посветена на дечкото на пејачката, со кого има прекинувано и започнувано врска повеќе пати, а на своите мали чудовишта, Гага им порача добро да го научат текстот на песната, затоа што планира да ја пее следните десет години.

Погледнете го видеото!