Сешто може да се направи со мобилен телефон - да се сликате, сурфате на интернет, да ги изброите калориите... а наскоро ќе можете, благодарение на двајца австралиски претприемачи, и да отворите пиво...
Двајца претприемачи ја измислиле "оpen" - тврда пластика која се става преку iPhone и служи како отварач за шишиња.
"Австралијците многу сакаат да пијат, ако не сте знаеле", рекол индустрискиот дизајнер Крис Петерс.
"Ние сме секогаш во домовите на наши пријатели, и во некои случаи немате секогаш отварач за пиво со вас. Па помисливме, зошто не закачиме отварач за шише на iPhone? Секогаш ги имаме нашите телефони со нас", додал тој.
Според неговите зборови, навлаката за телефонот е тенка, не постои шанса отварачот да го изгребе телефонот и отварачот работи без притисок на самиот телефон.
И двајцата претприемачи се многу задоволни со својот изум, бидејќи сега како што велат "конечно можат да ја комбинираат љубовта кон пијалокот и техниката".
