Финискиот произведувач на мобилни телефони "Нокиа" се повлекува од јапонскиот пазар бидејќи е под притисок на растечката популарност на таканаречените смарт телефони...

Пробивот на јапонскиот пазар Нокиа се обидела да го направи со луксузните телефони "vertu" кои чинеле и до 20 милиони јани (250 илјади долари).

Продажбата, меѓутоа не одела добро и Нокиа кон крајот на јули ќе ја затвори единствената преостаната продавница на Vertu телефоните во Гинза, во подрачјето на Токио познато по бројните продавници, бутици и ресторани.

Нокиа која имала три продавници на vertu телефоните во Јапонија, сооштила дека се повлекува од јапонскиот пазар за да се посвети на приоритетните задачи.

Не е објавено колку vertu телефони се продадени во Јапонија.

Телефоните на Нокиа никогаш не се биле особено популарни во Јапонија, каде најмногу се бара iPhone, како и телефоните на јапонскиот произведувач на електроника, како Шарп.

Од 1998 година, Нокиа била најголемиот светски продавач на мобилни телефони но во првиот квартал од оваа година, гледано според приходот, ја претекнал Епл.

Уделот на Нокиа на светскиот пазар паѓа и во првото тромесечие на 2011 година бил 29% или најнизок од крајот на деведесеттите години на минатиот век.

Аналитичарите оценуваат дека Нокиа најмногу штета има од неспособноста да одговори на предизвиците на смарт телефоните.