Интернет пребарувачот на Мајкрософт Bing и кинескиот Baidu го потврдиле склучувањето на партнерство...

Baidu, со учество од 75 проценти во првиот квартал од оваа година на кинескиот пазар на пребарувачи, настојува својата работа да биде повеќе разновидна, но и да ги зајакне меѓународните услуги, пренесуваат француските електронски медиуми.

Baidu така, за време на пребарувањата формулирани со англиски клучни зборови, автоматски ќе пребарува на својот систем резултати кои ги нуди Bing.

Кинескиот пребарувач на тој начин сака да направи нов продор на нови пазари.

За да го прошири својот бизнис, Baidu како што се претпоставува моментално работи на развој на сопствен оперативен систем наменет за мобилните телефони, како и свој веб навигатор.

Се проценува дека Baidu минатиот месец уложил 306 милиони долари во онлајн туристичката агенција Qunar.