Од Париз до Токио за само 2 часа наместо досегашните 12 часа? Звучи како сон, но овој би можел да се оствари благодарение на првата хиперсонична патнички авион кој ќе може да постигне брзина од речиси 5.000 километри на час, што е повеќе од четири пати побрзо од брзината на звукот...

Проектот на ова супербрзо летало наречено Zehst (кратеница од Zero Emission Hypersonic Transportation), кое не го загадува воздухот, а не е ниту погласно од денешните авиони, го претставила матичната компанија на Ербас, ЕADS. Една лоша вест е што до првиот комерцијален лет ќе мораме да чекаме уште најмалку 40 години.

Овој авион на иднината, кој ќе може да носи до 100 патници, ќе го придвижуваат неколку мотори на водорот и кислород, а водата е единственото што моќните мотори ќе го испуштаат во атмосферата. Творците на проектот истакнале дека новиот авион оддалеченоста од Лондон до Малага во јужна Шпанија ќе може да ги помине за 20 минути, летот до Истанбул би траел 30 минути, а до источниот брег на САД само 1 час.