Компанијата Google наскоро ќе го презентира новиот модел на smartphone, Nexus, со оперативен систем Android 4,0 Ice Cream Sandwich...

Повикувајќи се на своите извори специјализираното издание на BGR наведува дека телефонот може да работи во четвртата генерација на LTE и веројатно ќе се вика Nexus 4G.

Почетокот на продажбата на овие телефони се очкува во Соединетите Американски Држави кон крајот на ноември.

Smartphone-от ќе биде комплетиран со гигабајт оперативна меморија и процесор со фреквенција од 1,2 или 1,5 гигахерци. Според една верзија, тоа ќе биде OMAP 4460 Texas Instruments, а според друго 28 нанометарски Snapdragon Krait кој го произведува Qualcomm.

Познато е дека Nexus 4G ќе биде со екран со резолуција од 1.280 со 720 пиксели и ќе има две камери: мегапикселска на предната страна и петомегапикселска на задната страна.

Google се одкажува од тастерот под екранот, така што во потполност ќе се користи touch системот.

Инаку, тоа ќе биде третиот smartphone на компанијата Google. Nexus One компанијата го пласираше во јануари 2010, а вториот Nexus S во декември.

Двата уреди функционираат со Android оперативен систем.