Моменталната вредност на Фејсбук се проценува на 85 милијарди долари, а во 2012 година ќе вреди 100 милијарди долари...

Веќе долго време се зборува за излегување на Фејсбук на берза, а иако Марк Цукерберг изјавил дека сеуште не е време за иницијална јавна понуда на капиталот на неговата компанија, јасно е дека тој ден е се поблиску.

Дури и главниот извршен директор на оваа компанија Шерил Сендберг на една конференција од минатиот месец рекла дека излегувањето на Фејсбук на берза е неизбежен процес и дека тоа е "следната работа која ја планира оваа компанија".

Така пред само неколку години Мајкрософт за 200 милиони долари го презел неговиот мал дел со што вредноста на Фејсбук се проценила на 15 милијарди долари, што потоа тоа многу пазарни аналитичари го нарекле голем неуспех бидејќи "оваа цифра била преголема".

Секое следна инвестиција во Фејсбук ја подигнало вредноста на неговата вредност па така во јануари оваа година, Goldman Sach и група на приватни инвеститори инвестирале околу 1.5 милијарда долари, со што неговата вредност е зголемена на околу 50 милијарди долари. Во моментот според информациите што можеме да ги прочитаме на интернет, влужувањето на компанијата на Цукерберг се проценуваат на вредност од околу 85 милијарди долари.

Во CNBC велат, потпирајќи се на "доверливи извори кои не сакаат да ги именуваат", дека Марк планира да излезе на берза за време на првиот крвартал следната година, а до тогаш се надева дека вредноста на неговата компанија ќе порасне на 100 милијарди долари и дека тогаш бројот на корисници ќе биде поголем од 700 милиони.

Но, последните информации за бројката на корисници на оваа социјална мрежа сепак покажува дека растот во последните неколку месеци се намалува - во април бројот на корисници се зголеми на 13.9 милиони, во мај за 11.8 милиони.