Мајкрософт мора да плати 290 милиони долари на канадската компанија i4i поради нарушување на правата на патентот...

Софтверскиот гигант Мајкрософт треба да плати рекордни 290 милиони долари за нарушување на правата на патент на малата канадска софтверска фирма i4i откако врховниот суд во Вашингтон во четврокот ја отфрли жалбата на американската компанија за таа одлука.

Фирмата i4i го тужела Мајкрософт во 2007 година бидејќи незаконско го користела нејзиниот патент за софтвер за обработка на текст во својот Word. Федералната порота затоа ја признала отштетата од 290 милиони долари.

Мајкрософт тоа решение прво се обиде да го поништи на апелационен суд, кој, сепак ја потврдил оштетата. Софтверскиот гигант, кој контроверзниот елемент го отстранил од текст едиторот, се пожалил до Врховниот суд и побарал нов процес.

Врховниот суд едногласно го поддржал решението на апелациониот суд, пренесува Ројтерс.

Мајкрософт сега води голем спор со Европската унија. Минатиот месец компанијата на апелациониот суд се борела против казна од 899 милиони евра, која во 2008 година и ја одреди Европската комисија. Се очекува за таа казна да се одлучи за шест месеци до една година.

Чистиот профит на компанијата Мајкрософт, која е најголемиот светски произведувач на софтвер, во третиот квартал изнесувала 5.2 милијарди долари.