Запознајте го новиот smartphone - LG Optimus 2X

LG Optimus 2X P990 е првиот smartphone со двојадрен процесор на светот. Благодарејќи на процесорот Tegra 2 со 1GHz, корисниците можат да искусат исклучително брзо прегледување на интернетот и поквалитетен приказ во текот на играњето игри и гледањето на видео записи во споредба со процесорите со едно јадро со иста брзина.

Овде е и така нареченото mirroring на содржината преку интерфејсот HDMI преку кој на надворешните екрани во Full HD квалитет прикажува се од екранот на smartphone-от, вклучувајќи ја и содржината од интернет, видео записите и игрите. Овој smartphone исто така може бежично да се поврза со било кој друг дигитален уред компитабилен со DLNA протоколот, па корисниците можат, на пример, омилените филмови да ги гледаат на телевизор или монитор.

LG Optimus 2X има и двојна камера - онаа главната од 8 мегапиксели и предна резолуција од 1.3 мегапиксели. Овозможува репродукција и снимање на видео записи во Full HD 1080p резолуција за најживописен и највистински приказ, а е и првиот мобилен со 7.1-мултиканалски виртуелен surround звук во кој може да се ужива преку слушалки, звучник, Bluetooth слушаки или било кој уред кој може да се поврза со интерфејсот HDMI.

Силниот и брз процесор, во комбинација со оперативниот систем Android, овозможува и работа со повеќе апликации истовремено со непроменети перформанси, па корисниците можат да слушаат музика, да превзeмаат датотеки или да примаат повици дури и додека ја играат омилената игра.