Без оглед на тоа колку го сакаш виното и се разбираш од тој пијалок, не е лесно да се одбере тоа што одговара. Помош пристигнува од...iPhone...

Бесплатната апликација "Natalie MacLean Wine Picks & Pairings" го скенира баркодот на шишето вино и за само неколку минути праќа информации за квалитетот на виното, но и за тоа со кои јадења оди.

Апликацијата содржи база на податоци на повеќе од 150.000 вина кои се на продажба, повеќето во САД и Канада.

"И самата се мачев да изберам добро вино бидејќи понудата беше голема и купецот лесно се буни", вели авторката на апликацијата, Натали Мекли, Канаѓанка која напишала неколку книги за вината, меѓу кои најпопуларна е Red, White and Drunk All Over).

Предноста на оваа апликација е во тоа што од корисникот не е потребно внесување на разни податоци, туку едноставно скенирање на бар кодот.

Мана е тоа што апликацијата е достапна само за оние кои користат iPhone, но авторката вети дека апликацијата ќе биде достапна и на корисниците на BlackBerry.