МЕНИ

Професионалците од универзитетот Улм во Германија тврдат дека криминалците и хакерите лесно можат неовластено да провалат во преносот на информации помеѓу smartphone мобилните кои користат Android платформа и интернет...

Денес, сите производители на „паметни“ телефони ја користат платформата на Google како свој оперативен систем, со исклучок на Apple и неговите iPhone и iPad.

Многу апликации на Android платформата комуницираат со Google сервисите барајќи авторизациски токен, односно дигитална идентификација за поединечна апликација.

Тој токен всушност го автоматизира процесот на спојување со сервисот и ја отстранува потребата за логирање во сервисот при секој поединечен пристап.

Германски интернет сигурносни професионалци трвдат декa хакерите можат ласно да ги украдат тие токени следејќи ги мобилните поврзани на интернет пркеу wireless врска.

На тој начин, во теорија, хакерот би можел да ги искористи превземаните информации на друг корисник за влез на интернетски страни со токен од тој корисник.

„Тоа е шокантно. Хакерот на тој начин може да дојде до податоци од календарот, контакти, приватни веб албуми и други информации на корисникот на Google“, објавија германските професионалци на својот блог.

Но, како и во случајот на фејсбук и нивниот неодамнешен сигурносен пропуст со протекување на податоци низ 100.000 апликации, и во овој случај не е досега забележен ниту еден таков хакерски упад.

„Тоа што податоците на толку корисници на мобилни телефони со Android платформа можат да протечат е навистина шокантно“, истакна Марк Еванс, дирекот на популарниот интернет провајдер Imerja. Според неговото мислење, пораката на компаниите е јасна, мобилните уреди мораат да се заштитат на адекватен начин од такви и слични сигурносни пропусти.