Ривалството на фејсбук и интернетскиот гигант Google помина на сосема ново ниво. Од фејсбук отворено признаа дека најмиле PR фирма со цел за ширење на анти-Google пропаганди по пат на медиумите и охрабрување на медиумите за преиспитување на разноразните обвинувања за повреда на приватноста на корисниците од страна на Google...

Во центарот на валканата кампања на фејсбук против google се нашол сервисот Social Circle, a PR фирмата Burson-Marsteller на тоа посвети посебно внимание. „Американскиот народ мора да биде свесен за моменталните упади во нивните длабоко приватни животи, кои google ги каталогизира и емитира секоја минута, секој ден без нивно одобрување“, пишуваше во едно од соопштенијата на таа PR фирма.

Фејсбук и фирмата Burson всушност ги разоткрил блогер, кој сакал да напише критички осврт на сервисот на Social Circle, но кога тој ја прашал PR фирмата, со која комуницирал преку електронска пошта, за кого работи, тие не сакале да му кажат. Сомнителен, тој одлучил сите email пораки со нив да ги размени со новинарите, а USA Today од тоа направија приказна.

Фејсбук дополнително потврди за Daily Beast дека ги најмиле Burson-Marsteller да ја завршат нивната валкана работа, а се во цел на нивна сопствена корист, а не од некој алтруизам спрема корисниците на интернет. Google засега дури не ни коментираше за овој случај.