Вистинскиот Google задоминира со интернетот со својот пребарувач. Тогаш се сврте кон мобилната телефонија и завладеа со Android. Сега Google сака да завладее и со вашиот дом...

На својата годишна конференција за web developer-и, Google го претстави Android@Home, следната платформа, која на корисниците ќе им овозможи интеракција со било кој електронски уред во домот, преку Google апликација. Така поврзаните уреди, како медиумските опреми, машина за миењето садови, автомобилот и светлата, ќе можат да се користат преку една единствена платформа, која нормално ќе ја развие Google.

„Сакаме да гледаме на домот како на мрежа од уреди и го гледаме Android како оперативен систем за вашиот дом“, рече Џоу Брит на таа конференција, шеф на тимот Android@Home.

Во таа смисла, Android@Home разви отворен протокол кој може да го користи било кој поврзан уред во домот и кој може да се контролира преку било кој wireless уред или компјутер, вклучувајќи ги и електронските уреди кои не користат Andorid платформа, како iPhone или iPad на Аpple и Windows оперативниот систем на Microsoft на PC.

Од Google не најавија кога ќе биде точниот датум кога Android@Home мрежниот систем ќе може да биде комерцијално достапен, но на тоа веројатно нема да мора да се чека предолго.