Социјалната мрежа Фејсбук се повеќе се користи за пристап на интернет сајтовите со вести, но пребарувачот Гугл и понатаму е на првото место...

Во студијата која ја спровел институтот Pew, било забележано како корисниците доаѓаат до вести преку интернет.

Биле набљудувани 25 популарни интернет сајтови со содржини на вести во САД и заклучено е дека 40% од посетите на тие сајтови дошле од други сајтови.

Водечки преку кои се доаѓало се Google Search и Google News, но и социјалните мрежи, како Фејсбук, брзо станале важен извор, се наведува во студијата.

Така Фејсбук станал вториот или третиот извор во 5 од 25 набљудувани сајтови.

Мрежата на кратки пораки Твитер е меѓу едвај присутните, како извор на пристап на вести преку интернет. Само еден сајт од 25, Лос Анџелес тајмс, добил повеќе од 1% од своите читатели преку Твитер.

Студијата исто така покажува дека повеќето од луѓето кои користат интернет, ги посетуваат сајтовите со вести повремено, можеби еднаш или два пати месечно и остануваат само неколку минути, додека само 7% од нив тоа го прават редовно, со повеќе од 10 пати месечно и поминуваат по 1 час читање.