Заборавете на iPhone затоа што доаѓа смартфон направен од „хартија“ што се спојува како едно со вашиот џеб...
Во индустрија каде што поиздржливите и помалите се најдобри, најинтерактивниот светски компјутер од хартија ќе владее во годините што ќе дојдат.
PaperPhone има флексибилен електронски дисплеј што е предвесник на нова ера во технологијата и генерација на компјутери.
Екстремно лесен и направен од тенок филм, прототипот на уредот може да прави се што моментално може да прави смартфон.
Може да зачувува книги, да пушта музика, да праќа SMS пораки и, се разбира, да врши повици.
Што е најимпресивно, PaperPhone не користи енергија кога никој не го чепка.
Инвенторот, Роел Вертегал, директор на Queen's University Human Media Lab во Кингстон, Онтарио, рече: „Ова е иднината. Се ќе изгледа и ќе биде како ова за пет години.
Овој компјутер, изгледа и работи како мало парче интерактивна хартија, што значи дека кога корисниците читаат не се чувствуваат како да држат парче стакло или метал.“
Дисплејот е 9.5 сантиметри во дијагонала. Флексибилната форма на дисплејот го прави попренослив од најпреносливиот мобилен/компјутер во моментот, едноставно се слева со вашиот џеб.
Доктор Вертегал официјално ќе го открие својот хартиен компјутер во вторник на конференцијата на Association of Computing Machinery's Computer Human Interaction за 2011 година во Ванкувер.
