Јапонската компанија Сони објавила дека хакери ги украле податоците на милиони корисници, меѓу кои и нивните лозинки, поради што на 20 април ја исклучиле мрежата PlayStation која нивната конзола за видео игри ги поврзува со интернет...

Портпаролот на Сони, Патрик Сиболд рекол дека хакерите го нападнале интерактивниот портал кој PlayStation 3 (PS3) го поврзува со интернет игрите и филмовите а ги добиле и личните податоци на корисниците, како што се нивните имиња, поштенската и емаил адреса, датумот на раѓање, лозинката, а можеби и бројот на кредитната картичка. Мрежата на PlayStation има 75 милиони корисници во светот.

Порати тој "упад" Сони на 20 април ја исклучил својата мрежа PlayStation Network и својот онлајн музички сервис Qriocity, додал Сиболд. Стравува дека украдените податоци можат да се злоупотребат за целите на измамата. Сони на ја исклучува можноста да бидат украдени и броевите од банкарските картички.

"Досега ништо не упатува дека се украдени банкарските податоци, но тоа неможеме да го исклучиме", истакнуваат од Сони во емајлот пратен на купувачите на интернет игрите и музика. Сони не рекол дека ги пронашле хакерите, но рекол дека се надева дека "некои од услугите ќе проработат за некој ден".

PlayStation Network кој е пуштен на пазарот во 2006 година, им овозможува на корисниците да играат игри и да купуваат игри, филмови и музика преку Интернет.