Групите на фејсбук добија опција Send која овозможува со корисниците на групата или само поединечни членови да се разменуваат линкови, фотографии и слично...

Најновото нешто на фејсбук сега им овозможува на корисниците да разменуваат информации само со одредени членови, а не со целата група. Нејпознатата социјална мрежа ја лансираше категоријата „група“ минатиот октомври за да им овозможи на корисниците групирање во различни дружини, во зависност од интереси, желби, планови и слично.

Кон останатите корисници содржината на групата е целосно затворена што значи дека само членовите можат да видат што се случува внатре.
Од кога е дозволена оваа опција, корисници ширум светот до сега формирале повеќе од 50 милиони групи и им покажаа на креаторите дека имале одлична идеја.

„Употребата на групата е во пораст затоа што наместо да му овозможи на поединецот самостално зголемување на листата на пријатели, една личност може да направи група за своето семејство и сите од семејството слободно можат да ја користат“, објаснува Елиот Лајнд, инжењер во фејсбук. За да ја унапредат услугата, фејсбук постави опција Send која е поврзана со некои популарни веб страници за корисниците да разменуваат линкови, фотографии и останати содржини со одредени луѓе.

Send е сличен на Like, но само е ограничен на луѓето кои се наоѓаат во групата или само на одредени членови од групата. Send опцијата може да се користи веќе на повеќе од 50 страници, вклучувајќи ги The Wall Street Journal, The Washington Post, Orbitz и Gilt Group.