Истражувачите од Универзитетот Питсбург успеале да состават клучен дел од технологијата, кој ќе им помогне во создавањето на нова генерација на екстремно силни квантни компјутери, како и напредни електронски материјали и компјутерска меморија...

Тоа што успеале да го направат е транзистор од еден единствен електрон, што досега на никој не му успеало. Тој транзистор е базиран на оксиди, кои се важни поради тоа што дозволуваат тој транзистор да работи со поцврст капацитет на меморија.

SketchSET или Sketch-Single-Electron-Transistor, се состои од мало „островче“ со ширина од 1,5 нанометри внатре во неговото јадро, кое функционира со еден или два електрони. Способноста за работа на толку минијатурно ниво, тој транзистор го прави идеален за неколку напредни компјутерски апликации, како квантните процесори, кои по силина ќе бидат многу посилни од постоечките супер компјутери.

Исто така, од тие транзистори ќе може да се произведат складишта на меморија, кои ќе можат да содржат поголеми количини на информации во многу помал простор, од постоечките складишта на меморија. Но, ниту овде не престануваат субатомските можности, затоа што онаа споменето „островче“ во јадрото на транзисторот би можел да послужи и како вештачки атом, тврдат истражувачите.

Во таа смисла би можеле да се произведат електрични материјали од нова клас, како суперспроведувач со егзотични својства, кој не може да се најде кај природните материјали.