Ако некои останаа разочарани затоа што Apple оваа лето нема да излезе со наследникот на iPhone 4, сега можат помирно да спијат, затоа што петтата генерација на тој мегапопуларен паметен мобилен телефон би требала да се појави на пазарот во септември оваа година...

Веста за излегувањето на новиот модел на iPhone ја пренесува агенцијата Reuters, а неговото производство ќе почне во јули. Според еден извор, новиот iPhone ќе има појак процесор, но по изгледот нема многу да се разликува од iPhone 4.

Аpple во почетокот на есента секоја година одржува јавно случување на кое ги открива новитетите, па ако информациите се точни, сите љубители и обожаватели на iPhone, ќе има на што да се радуваат со пристигањето на есента.