Научниците од Универзитетот во Сан Франциско објавиле студија според која мултитаскингот (извршување на повеќе работи истовремено) му смета на краткотрајното памтење, а мобилните и социјалните мрежи на долготрајното...

Научниците сметаат дека новите технологии како што се електронските пошти, SMS пораките, „твитувањето“ и фејсбук не се добри за мозокот затоа што го одвлекуваат вниманието што може да резултира со пречки во долготрајната меморија и менталното изведување, објави San Francisco Chronicle.

Посебно се загрижени затоа што кај некои личности опседнатоста со технологијата е толку изразена што се однесуваат како зависници.

Таквите личности имаат проблем со концентрацијата и фокусирањето на нешто друго, па често ги прекинуваат активностите за да отидат на интернет или да испратат SMS порака.

Поради тоа, научниците препорачуваат повремено да се гасат мобилниците телефони и компјутерите и на мира да се сосредоточат на некои други активности.