Google развива софтверско решение со помош на кое огласите ќе добијат информации за клучните зборови од електронската пошта на корисниците на Gmail...

Новиот софтвер ќе „чита“ мејлови за да дознае какви се интересите и приоритетите на поединечни корисници. Софтверот на темел на нализа на најчесто добиените и одговорени мејлови ќе го склопат профилот на корисникот со помош на кој рекламерите ќе можат со целни огласи да се рекламираат на мејл акаунтите.

До сега Gmail користел податоци добиени од анализа на секој поединечен мејл, но сега ќе ги анализира речиси сите мејлови, ќе собира информации и ќе изработува профил на секој корисник.

„Доколку во последно време сте добиле многу пораки за фотоапарати и фотографска опрема, можеби ќе ви биде интересно да добиете известување за поволна понуда на фотоапарати во некоја блиска продавница“ објаснуваат од службата за корисници на Google.

Понатаму Google објаснува дека новиот софтвер ќе работи на принципот како и составно „приоритетна пошта“ кој беше воведен минатата година. Приоритетната пошта е софтвер кој на темелот на анализа на содржината и навиките на корисникот, автоматски пресудува кои е-мејлови се важни, а кои се неважни.

Од Google исто така порачуваат дека рекламерите ќе добиваат само одредени информации, а никако целите мејлови.

Што е можеби најважно, Google најавува дека корисниците ќе можат да го одбијат користењето на оваа опција на своите компјутери.

„За почеток само мал дел на корисници ќе ја имаат оваа можност, но како што се шири технологијата, ќе ја прошириме на поголем број корисници“, заклучуваат од Google.