Фејсбук има секојдневни проблеми со малолетните корисници под старосната доба 13 години, а на ден бришат дури 20.000 такви профили...
„Постојат личности кои лажат. Постојат корисници помлади од 13 години“, рече советникот за приватност на фејсбук, Мозел Томпсон. Додаде дека системот за регистрација на профилот не е совршен, се потпира на искреноста на идниот корисник при внесувањето на податоци, а децата помлади од 13 години секогаш можат да излажат за годините кога отвараат профил, пишува AP.
Неодамнешната студија во САД покажа дека речиси половина од 12 годишните деца ја користи социјалната мрежа. Но, некои како демократскиот сенатор Ал Франкен од Минесота, смета дека проблем се и корисниците помлади од 18 години. „13 милиони корисници на фејсбук, спрема правилата, на тој начин можат да ги споделуваат најинтимните податоци преку мрежата, баш како и возрасните. На тoј начин се подложни на предаторите кои демнат на фејсбук“, истакна Франкен. Тој пратил и писмо до извршниот директор и основач на фејсбук, Марк Зукерберг, во кој бара да се воведат некои промени, кои по правило би се однесувале на малолетните корисници и да им забранат да ги објавуваат телефонските броеви и домашните адреси на нивните профили.
