Се што сте ставиле на Фејсбук или на Твитер додека сте биле прилично пијани, сега благодарение на новата iPhone апликација можете се да избришете со само едно кликнување на копче...

Апликацијата наречена „минатата ноќ никогаш не се случи“ автоматски ги брише сите непријатни и несакани активности на социјалните мрежи во даден период. Направена е токму за „пијаниците“ да ги спаси од понижување сите да ги видат нивните промени на статусот, фотографиие, коментарите или пораките додека биле во „полусвесна состојба“.

Користењето на апликацијата е едноставно. Корисникот само го пишува времето кога почнал да пие и веднаш ќе се избришат сите постови од Фејсбук и Твитер кои се постирани во тој период.

„Сите понекогаш се занесуваме и ставаме непријатни фотографии од нас и пријателите, заборавајќи дека тоа можат да го видат сите наши Фејсбук и Твитер контакти, вклучувајќи ги и нашите семејства и колегите од работа. Оваа апликација ќе випомогне таквите работи да не се прошират по интернет и да ве доведат во непријатна ситуација“, рече програмерот Даниел Коувен кој ја направи апликацијата.