Новиот хибриден модел Porsche 918 Spyder веќе може да се нарача по цена од 845.000 долари, без испорака и даноци...

Испораките почнуваат во ноември 2013 година, а од Порше планираат да создадат само 918 примероци од овие суперавтомобили, информира Ројтерс.

Новиот модел 918 Spyder има максимална моќност од 718 коњски сили. Дизајнот е земен од моделот Carrera GT, како и од тркачки автомобили Porsche 917 и RS Spyder.

Волуменот на осумцилиндровиот V мотор надминува 4 литри, а силата му е 500 коњски сили. Моќниот мотор се дополнува со два електромотори, по еден на предната и на задната оска, чија вкупна моќност е најмалку 218 коњски сили.

Електромоторите се придвижуваат со литиум-јонска батерија со водно ладење, која може да се полни во домашни услови. Со едно полнење возилото може да помине околу 16 милји само со електромоторите. Целосната наполнетост на батеријата трае помеѓу 3 и 6 часа, но од страна на производителот е утврдена опција за брзо, која дополнително го намалува времето за тоа.

Моделот 918 Spyder забрзува од нула до 100 км/ч за само 3.2 секунди и може да достигне максимална брзина од 320 км/ч. Додека максималната брзина на моделот 918 Spyder, кога е задвижуван само од електромотор е 150 км/ч.