Канадската компанија BlackBerry, сопственост на технолошкиот гигант Research in Motion - RIM го претстави новиот таблет The PlayBook со кој компанијата ќе се обиде да му конкурира на iPad од големиот ривал Apple...

"Сметаме, дека сега е најдобриот момент да го пуштиме новиот уред на пазарот. Извесно време работевме на таблетот, бидејќи за нас беше исклучително важно, уредот да ги поседува неопходните апликации и да биде изработен на најсоодветен начин. Почекавме, за да може кога ќе излезе на пазарот, продуктот да биде сигурен инструмент за корпоративниот бизнис", изјавил претставникот на BlackBerry.

"Решивме 'The PlayBook' да биде многу лесен за употреба, да има оригинален дизајн и да биде многу елегантен. Уредот е неверојатно тенок. Првичната идеја ни беше дебелината да биде под 10мм и нашите инжинери го постигнаа тоа. Неговата големина е многу удобна за раката дури и за време на патување", истакнаа уште од канадскиот технолошки гигант.