Една од првите социјални мрежи MySpace ќе мора да отпушти речиси половина од вработените ширум светот...

Ќе бидат затворени околу 500 работни места во компанијата, чиј сопственик е медиумскиот магнат Руперт Мардок, односно неговата медиумска компанија NewsCorporation, јавува БиБиСи.

Популарноста на социјалната мрежа MySpace опадна поради тоа што ја загуби трката со "Фејсбук" кој во моментов има три пати повеќе корисници и е во вредност од 50 милијарди долари (околу 35 милијарди евра).

Меѓутоа, некои шпекулации зборуваат дека проблеми го мачат и основачот на Фејсбук Марк Цукерберг, бидејќи во Судот во Сан Франциско е доставено ново барање за оштета против неговата компанија.

Барањето го поднеле браќата Камерон и Тајлер Винкливос кој тврдат дека тие го измислиле Фејсбук, и дека Цукерберг подоцна им ја грабнал идејата и ја развил во најпопуларна глобална мрежа за дружење преку Фејсбук.

Браќата Винкливос сега бараат додатно обештетување по судски пат, бидејќи веќе склучиле едно во 2008 година во висина од 2 милиони долари.