Јужнокорејскиот LG произведе 3D LED телевизор со најголемиот екран на светот, кој премиерно ќе го претстави на саемот за електроника CES (Consumer Electronics Show) од 6 до 9-ти јануари во Лас Вегас...

Новиот телевизор има дијагонала од 72 инчи - LZ9700, со целосно ретро осветлување, а експертите велат дека тоа дава одлична флуидност на сликата, како во 2D така и во 3D технологија.

Тој исто така содржи и "smart TV" технологија за гледање видео содржина со веб и опција "smart share" за увид во аудио визуелните содржини на локалната мрежа или на USB приклучок.

По презентацијата на CES, телевизорот наскоро ќе се најде на европскиот, азискиот и северно американскиот пазар.

Цена сеуште не е позната, а заинтересираните купувачи очекуваат дека цената нема да биде пропорционална на неговата големина.