Со стотина илјади апликации, смартфоните го олеснуваат животот. Со еден клик можете да ја проверите состојбата на сметката во банката, да дојдете до рецепт за утрешен ручек, да ја проверите временската прогноза, да резервирате авионски билет...

Освен овие навистина корисни апликации, на располагање имате и некои потполно бесмислени, како што е на пример Zippo. За што служи. Да на концерт можете да го мавате телефонот наместо запалката. Една од најбизарните е Annoy-a-teen која произведува висок, писклив звук, кој очигледно само тинејџерите можат да го слушнат.

Сепак и покрај речиси неограничените можности, дури 71% горди сопственици, своите смартфони ги користат да повикаат некој, да пратат СМС или погледнат што има ново на Фејсбук.

Неодамнешната анкета спроведена од компанијата Envirofone, која се занимава со рециклирање на стари мобилни телефони, покажа дека просечниот корисник користи само 10% од функциите што ги нуди паметниот телефон.

Во анкетата биле вклучени 2.000 корисници, а иако признале дека слабо ги користат благодетите на новата технологија, сепак половина од нив изјавиле дека своите модели на смартфони сакаат да ги заменат со нови.