Google буквално го лансираше својот нов Nexus S смартфон во вселената...

За да го прослават почетокот на продажбата на новиот Nexus S, но и по малку да го рекламираат, мобилните вработени во Google одлучија да го закачат телефонот на балон и да го испратат во вселената.

Еден од вработените, Зи Ванг, на блогот објаснил дека лансирањето треба да помогне во тестирањето на накои хардверски сензори. Моби-астронаутите би можеле да бидат поврзани и со преговорите на Google со британските произведувачи на сателити, кои би требало да помогнат во изградбата на мали сателити, користејќи ја всушност технологијата од Nexus S.

Уредите престанале да функционираат на околу 18 километри, а барем еден достигнал 30 километри, што е двапати повеќе од просечната висина на патнички авиони. На враќањето повторно "дошле при себе" и проработиле.