Експертот за компјутери Џо Вулер од Сиднеј, дошол до оригинална идеја како да се ослободи од купиштата клучеви - во десната рака си вградил микрочип и сега пред него се отвараат сите врати во куќата...

Овој вистински човек-робот сега едноставно, на сензор, го стартува својот моторцикл, ги отвара вратите од гаражата и автомобилот.

"Ми здосади да носам со себе купчиња од клучеви, а понекогаш и ги губам. Отидов кај доктор и едноставно, под локална анестезија, вгради микрочип, од десет долари. Сега работам на тоа, преку тој сензор да го стартувам својот автомобил, да го вклучам светлото во куќата и слично", вели Џо Вулер.

Овој чип, кој е плитко под кожата, и кој речиси е невидлив, Џо вели дека не го чувствува. За вградување на џип размислува и сопругата Тања.

"Можеби и јас ќе се одлучам на овој чекор. Мислам дека тоа ќе ми помогне полесно да водам грижа за нашите деца."