Google вчера "отвори" онлајн библиотека со повеќе од 3 милиони дигитални книги од кои некои се и бесплатни...

Дигиталните изданија се достапни на сајтот books.google.com и може да се копираат на било кој компјутер со интернет конекција или преку апликација за мобилни телефони кои користат Андроид оперативен систем.

Книгите се достапни и на сопствениците на iPhone и iPad, но не и на крисниците кои имаат Kindle од компанијата Амазон.

"Веруваме дека ова ќе биде најголемата електронска библиотека на светот", рекла една од претставничките на компанијата Google, Џини Хорнанг. "Вклучувајќи ги и бесплатните книги, имаме повеќе од 3 милиони наслови", додала таа.

Интернет библиотеката на Google е покрената во соработка со околу 4.000 издавачи кои на таа компанија и дозволиле на интернет да стави книги меѓу кои ги има и најновите бестселери.

Google и порано соопштил дека дигитализирал повеќе од 15 милиони книги од стотина земји, напишани на 400 јазика.