Најновата студија покажува дека користењето на компјутери не им гарантира на дечињата подобри шанси во иднина, туку им носи полоши резултати во училиштето...

Уште во 2004 година, германските експерти Томас Фукс и Лудгер проучувале податоци од европската студија ПИСА, а резултатот бил јасен: учениците кои подолго седат на компјутер, потешко поминуваат на училиште.

Сега влијанието на компјутерите го испитале американските научници Кристијан Поп-Елекс и Офер Маламуд, и двајцата од универзитет во Чикаго.

Во студијата која ќе биде објавена на почетокот на следната година, тие се занимавале со романската програма "Еуро 200", која на сиромашните семејства им обезбедувале бонови од 200 евра, за да им помогнат во купувањето на компјутери и овозможување на своите деца подобро образование. Два научника испрашале повеќе од 3.000 семејства кои учествувале во програмата.

"Нашите резултати покажале позитивни, но и негативни аспекти на програмата: од една страна, учениците кои добиле компјутер, полесно поминуваат на тестот во ракување со компјутери. Но, нивното знање, како математика и англиски се влошило", вели Кристијан Поп Елекс.