Компанијата Apple ја претставила новата верзија на преносен компјутер - MacBook Air...

На него се префрлени изгледот и некои решенија на своите исклучително успешни мобилни телефони iPhone и iPad. Новиот MacBook Air го претставил шефот на Apple Стив Џобс во седиштето на компанијата Купертино, Калифорнија.

Како и iPad, новиот Air нема хард диск, туку се потпира на  "flash" меморија, која е поскапа но и поиздржлива на пад или удари. MacBook Air исто така има батерија со подолго времетраење од претходните модели.

Цената на компјутерот е од 999 до 1599 долари, зависно од големината на екранот и количината на просторот за складирање податоци. Apple објавил дека популарниот Apple Store, сега достапен само на iPhone, iPod и iPad, ќе го додаде и на Macintosh компјутерите, а ќе биде достапен за симнување идните 90 дена.

App Store ќе биде дел од новиот оперативен систем на Apple, Lion, кој се очекува во летото 2011 да се пренесе и на Mac компјутерите. Apple објавил дека во 2009 година се продадени 13.7 милиони Macintosh компјутери, вредни 22 милијарди долари, и дека речиси 50 милиони Macintosh компјутери се во употреба низ целиот свет.