Оваа недела во Њујорк беше претставен Windows Phone 7, а како што најавил извршниот директор на Мајкрософт, Стив Балмер, овој оперативен систем ќе се најде во продажба пред новогодишните празници...
Windows Phone 7 во Америка ќе биде понуден преку AT&T мрежата, а вкупно 9 модели ќе бидат достапни на пазарите во 30 земји, најавил Балмер.
Моделите кои работат на новиот Windows Phone 7 оперативниот систем доаѓаат од Dell, Samsung, LG и HTC, но иако најавите ветуваат, остануваат два големи недостатоци - телефоните засновани на Windows Phone 7 оперативниот систем не ја поддржуваат функцијата copy/paste и користење на мобиел за пристап на интернет преку 3G или 4G мобилните мрежи.
На почетниот екран (Start screen) се прикажуваат "live tiles", односно активности во реално време, како што се, на пример статусот на социјалните мрежи. ОВде е и Outlook Mobile кој ви овозможува да управувате со своите емаил пораки преку телефонот.
За љубителите на игри овде е Game Hub, преку кој ќе можете да пристапите до сите игри, да најдете нови и да се поврзете со пријателите, а Marketplace Hub е онлајн продавница слична на Apple Store, каде што ќе можат да се купат нови апликации, игри и музика.
Microsoft Office достапен е на Windows Phone 7 преку својата мобилна Office Hub, а на располагање се Microsoft Word Mobile, Excel Mobile и PowerPoint Mobile.
