Дупка на страницата корисниците ги води на порнографски содржини...

Социјалната мрежа Твитер денес беше хакната што влијаело на илјадници корисници на овој сајт за микроблогинг. Според пишувањето на Би-Би-Си, сите Твитер компјутери се заразени со црв.

Според објаснувањето, дошло до "сигурносен пропуст", а според објаснувањето на експертите, нападот е извршен преку onmouseover Javascript кодот.

Всушност, преку "дупка на Твитер е внесен тој код со кој корисниците се пренасочуваат на некој друг сајт", рекол еден од активните корисници на Твитер.

Опасноста за корисниците доаѓа точно од другата страна на која корисниците се пренасочени и на која би можело да има вирус кој ќе го загрози нивниот компјутер.