Apple кон крајот на септември ќе запре со бесплатната набавка на заштитни маски за iPhone 4, бидејќи откриено е дека проблемите кои ги имале корисниците на овој модел со слабиот сигнал се помали отколку што се очекувало...

Дарежливоста на Apple има свои граници, така што е објавено крај на програмата на бесплатното набавување на маски кои се наменети за решавање на проблемите поврзани со прием на сигналот, пренесуваат француските електронски медиуми.

Apple на американската верзија на својот сајт објавил дека од 30 септември, само корисниците кои навистина имаат проблем со приемот на сигналот ќе имаат право на бесплатна набавка на заштитни маски.