Новиот извор на обновлива енергија може да биде обичен разговор, тврдат јужнокорејските научници кои успеале звучните бранови да ги претворат во електрична енергија...

Откривањето, засновано на нанотехнологијата, може да се примени во случаите на мобилните телефони кои би се полнеле за време на разговорот или ѕидови за звучна изолација долж автопатот, кои ќе произведуваат дополнителна енергија од метежот на сообраќајот.

"Како што звучниците ги трансформираат електричните сигнали во звук, можен е спротивен процес - претварање на звукот во извор на електрична енергија", вели Јунг Џинг Парк и Санг-Ву Ким, автори на студијата, објавена во весникот Advanced materials.

Системот кои овие двајца научници се базира на т.н пиезоелектрични материјали.

Во соработка со колегите, тие со помош на цинк-оксид создале мрежа на нановлакна, збиени помеѓу две електроди на звук од 100 децибели произвеле 50 миливолти енергија.

Тоа е малку, признаваат јужнокорејските научници, но наведуваат дека тоа е само почеток и дека ќе продолжат да работат на разојот на материјали, кои ќе можат да произведат повеќе енергија.