Интернет пребарувачот Google му штети на нашиот мозок, бидејќи премногу ни помага во решавањето на проблемите, смета еден американски научник...
Благодарение на брзите, речиси инстант информации кои ни ги обезбедуваат пребарувачите, луѓето ја губат својата интелектуална способност да ги складираат информациите, предупредува американскиот публицист Николас Кар.
Авторот на книгата The Shallows - What the Internet is Doing to Our Brains, укажува дека интернетот го одзема правото на човечкиот мозок во неговите редовни вежби кои му се неопходни, поради што се потешко ни е да се концентрираме, како на пример при читање на книги.
Спротивно на програмерите кои се натпреваруваат да создадат едноставен софтвер, Кар смета дека сајтовите како Google би требало да бидат потешки за користење за да се подобри способноста на концентрирање на корисниците.
Неговиот коментар дошол откако Google ја лансирал својата нова функција Google Instant која ги исфрлува резултатите додека корисникот користи повеќе клучни зборови.
"Многу се восхитувам на Google, но мислам дека тие премногу одблизу гледаат на начинот на кој би требало да го користиме нашиот мозок", рекол Кар за Би-Би-Си.
Кар посебно ја критикувал онлајн библиотеката Google Books која, според негово мислење ќе доведе до површно читање, како и сателитската навигација, бидејќи благодарение на неа, луѓето набрзо ќе почнат да го забораваат патот по кој се движат.
