Мобилниот телефон Sony Ericsson Elm е прогласен за "најодржлив телефон" на пазарот, бидејќи добил 4.3 поени за еколошко достигнување според Еко-рејтингот на компанијата 02...

Од вкупно 65 мобилни телефони на шест производители, Sony Ericsson Elm е избран за најдобар, врз основа на "позитивното влијание на животната средина, со чија помош луѓето водат одржлив начин на живот, како и на основа на етички перформанси на компанијата како произведувач", било соопштено од компанијата Sony Ericsson.

Исто така, пет од првите десет мобилни телефони на рејтинг листата се производ на компанијата Sony Ericsson.

"Многу ни е драго што нашиот телефон е прогласен за најодржлив мобилен телефон во овој сектор. Во потполност го поддржуваме новиот Еко-рејтинг систем на компанијата 02 бидејќи, благодарение на вакви иницијативи, на корисниците им се достапни информации за да донесат еколошки свесни одлуки", рекол директорот за корпоративната одржливост од компанијата Sony Ericsson, Матс Пелбак.

Телефонот Sony Ericsson Elm е дел од Green Heart асортиманот на мобилни телефони и додатна опрема.

Станува збор за стратегија која го потврдува влијанието на компанијата на еколошките иновации и животната средина и нивна цел е воведување на еколошки перформанси во својот целокупен асортиман.

Компанијата Sony Ericsson планира до 2015 година да ја намали емисијата на СО2 за 20% и емисијата на гасови во стаклената градина за 15% во целокупниот животен циклус на своите мобилни телефони, се наведува во соопштението.