Компанијата Google во четвртокот започна нов сервис кој ќе им овозможи на корисниците да спроведат разговори преку телефон и компјутер, буквално во целиот свет...

Како што јавуваат американските медиуми, сите повици во рамките на територијата на САД и Канада ќе бидат бесплатни до крајот на годината.

Skype моментално е најпопуларниот сервис, а сега веќе доби сериозна конкуренција.

Google на новиот сервис ќе заработува на меѓународни повици, два центи или повеќе за минута.

Меѓународните тарифи ќе се разликуваат во голема мера. Новата услуга ќе им овозможи на корисниците да примаат повици на компјутер, ако од компанијата Google добијат бесплатен број или веќе го имаат.

Телефонските броеви и технологија за новиот сервис Google Voice, компанијата планира да го прошири, а најавено е и поставување на црвени телефонски говорници по универзитетите и аеродромите ширум САД, од каде ќе може бесплатно да се разговара низ Северна Америка.

Понуда за новата услуга ќе имаат само корисниците кои имаат Gmail.