Најголемиот светски веб пребарувач Google објавил во четвртокот дека повеќе нема да ја развива својата алатка за комуникација во реално време Wave, бидејќи нејзиното користење глобално е оценето како комплицирано и не наишло на доволен број на корисници...

И покрај лојалните фанови, Wave не бил усвоен како што посакувала компанијата, која пред една година, кога го пуштила онлајн, ја споредувала таа услуга со емаил, потсетувајќи на новинска агенција. Google наведува дека не планира продолжување на неговиот развој како независен производ, така што Wave ќе биде укинат до крајот на годината, а оваа технологија ќе биде користена за други проекти.

Целта на оваа алатка, лансирана за општата јавност во мај, по неколку месеци на експериментална егзистенција, беше да им овозможи на многу корисници да работат истовремено на растојание, користејќи исти апликации од Google. Се работи за услуга која им овозможува соработка на повеќе видови документи, видео содржини, текстови, графици и друго, во што некои го виделе и "почетокот на крајот" на електронската пошта.

Многу луѓе кои го испробале Wave, всушност го критикувале дека е прилично комплициран, или дека не сватиле поради што тој производ треба да се користи, укажуваат интернет експертите.