Властите на две држави од Персискиот залив најавиле дека ќе ја ограничат или исклучат употребата на "паметните" телефони BlackBerry на својата територија, наведувајќи безбедносни причини...

Владата на Обединетите Арапски Емирати (ОАЕ) најави дека од октомври ќе го суспендира системот за праќање и примање пораки и сурфање на интернет за корисниците на Blackberry телефони, додека во Саудиска Арабија е најавена забрана на сервисот за инстант пораки кои ги обезбедува Blackberry.

Агенцијата која се занимава со регулирање во оваа областа во ОАЕ, објави дека произведувачите на овие телефони, многу популарни меѓу светот на бизнисот, ја пропуштиле можноста да ги почитуваат законите на оваа земја и поради тоа ќе им биде скратена можноста за обезбедување на услуги на клиентите.

Властите во Емиратите бараат од канадската компанија RiM која го произведува Blackberry, да им овозможи да ги "пресретнуваат" SMS пораките и емајл пораките, бидејќи моментално тие податоци се шифрираат, чуваат и праќат преку сервери кои не се на нивна територија.