Yahoo Јапонија и Google му задале удар на Bing од Мајкрософт...

Google и Yahoo склучиле договор во кој стои дека Yahoo Јапонија за подрачјето на оваа земја ќе ги користи резултатите од пребарувањето на Google, и покрај десет годишниот договор кој оваа компанија го има со Мајкрософт за користење на резултатите од пребарувачот Bing ширум светот.

Google и Yahoo го контролираат речиси целиот јапонски пазар за пребарување, јавува AP. Yahoo има 56, Google 31, а Мајкрософт помалку од 3 проценти. Меѓутоа важно е да се напомене дека 40% од акциите на Yahoo Јапонија ги има компанијата SoftBank, така јапонските претпоставени можеле да избираат кој сервис за претрага ќе го користат, и покрај тоа што Yahoo има потпишан договор со Мајкрософт.