Nokia разви сосемa нов концепт на интелегентен мобилен телефон, кој автоматски се подигнува за време на приемот на пораки или повици, пренeсуваат француските електронски медиуми...

Станува збор за концептот Kinetic, кој дигиталната информација ја претвара во кинетичка енергија, благодарение на електромагнет во базата на телефонот. Тоа значи дека по приемот на повикот или пораката телефонот буквално се подигнува во вертикална положба. Ако не сакате да одговорите на повикот, доволно е нежно да го допрете, и самиот ќе се врати во хоризонтална положба.

Додатните техничи детали не се објавени, но доколку концептот кој за Nokia го дизајнирал Џереми Хопкингс заживее - еве достојна конкуренција на iPhone и другите паметни телефони. Познатиот фински произведувач од минатата недела најави дека во вториот квартал забележал пад на нето профитот за 40% во однос на истиот период минатата година, и покрај малиот пораст на прометот од 0.9%.

Според Ројтерс, Nokia бележи профит од 10 милијарди евра и нето профит од 227 милиони евра во вториот квартал. Падот на профитот е пред се, последица на конкуренцијата од iPhone и другите "паметни" телефони.