Дали сте знаеле дека околу 50% од емајловите погрешно се интерпретираат, бидејќи често не обраќаме внимание на тонот на кој текстот е напишан...?

Новата апликација "tone-checker" ќе ви покаже каков впечаток остава емајлот кој го спремате да го испратите. Сигурно ви се случило да пратите емајл до колега од работа, а да добиете одговор каков што не сте очекувале - лута порака од навредениот примач, иако вие навистина не сте мислеле ништо лошо. 

Сега постои решение што ќе го спречи таквото недоразбирање: нова програма на канадската компанија Lymbix која работи како додаток на Microsoft Outlook и ги анализира фразите кои сте ги користиле и ве известува за тонот на вашиот емајл. Кога ќе завршите со пишувањето на емајлот, кликнете на ToneCheck, програмата го скенира емајлот и ве известува за тонот на којшто е напишан.

Скалата има осум степени на чувствителност, од наклонетост и радост, до тага, лутина и понижувачки тон. Ако сакате да го тестирате ToneCheck можете бесплатно да го превземето од ОВДЕ.